చిరంజీవి సినిమాలో తమన్నా స్పెషల్‌ సాంగ్‌ ఎలాంటి హంగామా చేయబోతోంది ?

భారతీయ సినిమాల్లో స్పెషల్‌ సాంగ్స్‌కి హాట్‌ ఫేవరెట్‌గా మారిన తమన్నా భాటియా, ఇప్పుడు మెగాస్టార్‌ చిరంజీవి నటిస్తున్న మన శంకర వర ప్రసాద్‌ గారు సినిమాలో ప్రత్యేక గీతంతో మెరుస్తున్నారు. అనిల్‌ రావిపూడి దర్శకత్వంలో తెరకెక్కుతున్న ఈ చిత్రంలో ఇప్పటికే విడుదలైన మీసాల పిల్ల సాంగ్‌ మ్యూజిక్‌ చార్ట్స్‌లో దూసుకుపోతోంది. ఇప్పుడు భీమ్స్‌ సిసిరోలియో స్వరపరిచిన ఉత్సాహభరితమైన ఈ స్పెషల్‌ నెంబర్‌ సినిమా ఆల్బమ్‌కు పండగ వాతావరణాన్ని తీసుకురానుందని సమాచారం.

ఈ సినిమాలో కీలక పాత్రలో నటిస్తున్న వెంకటేశ్‌ కూడా ఈ పాటలో కనిపిస్తారా లేదా అన్న ఆసక్తి పెరిగింది. అయితే దీనిపై అధికారిక ప్రకటన ఇంకా రాలేదు. చిరంజీవి, తమన్నా జంటగా ఇంతకుముందు సైరా నరసింహా రెడ్డి, భోళా శంకర్‌ సినిమాల్లో నటించారు. అనిల్‌ రావిపూడితో తమన్నా ఎఫ్‌2, ఎఫ్‌3 సినిమాల్లో పనిచేశారు. సాహు గారపాటి, సుష్మిత కొణిదెల సంయుక్తంగా నిర్మిస్తున్న ఈ చిత్రం వచ్చే సంక్రాంతికి, జనవరి 12 న విడుదల కానుంది. చిరంజీవి – అనిల్‌ రావిపూడి కాంబినేషన్‌తో వస్తున్న ఈ కమర్షియల్‌ ఎంటర్టైనర్‌ పై భారీ అంచనాలు ఉన్నాయి.