‘వృషకర్మ’ గ్లింప్స్ విడుదల

‘వృషకర్మ’ చిత్ర గ్లింప్స్ అధికారికంగా విడుదలై ప్రేక్షకులను మిథికల్ మరియు రహస్య ప్రపంచంలోకి ఆహ్వానించింది. ఇప్పటివరకు చూడని విధంగా రూపొందిన ఈ మిథికల్ థ్రిల్లర్ విశిష్ట దృశ్య వైభవంతో పాటు భావోద్వేగభరిత కథనాన్ని అందించనుంది. యువసామ్రాట్ నాగ చైతన్య ప్రధాన పాత్రలో నటిస్తున్న ఈ చిత్రాన్ని దర్శకుడు కార్తిక్ దండు తన ప్రత్యేక దృష్టితో తెరకెక్కిస్తున్నారు. గ్లింప్స్ విడుదలైన వెంటనే అభిమానుల్లో భారీ ఆసక్తి నెలకొంది.

బీవీఎస్ఎన్ ప్రసాద్ నిర్మిస్తున్న ఈ చిత్రంలో మీనాక్షి చౌదరి, స్పర్శ్ శ్రీవాస్తవ ముఖ్య పాత్రల్లో కనిపించనున్నారు. సుకుమార్ రైటింగ్స్ సమర్పణలో, ఎస్వీసీసీ పతాకంపై రూపొందుతున్న ఈ చిత్రానికి అజనీష్ బి లోకనాథ్ సంగీతం అందిస్తున్నారు. నవీన్ నూలి ఎడిటింగ్ బాధ్యతలు నిర్వర్తిస్తున్నారు. విభిన్న కాన్సెప్ట్, అద్భుత సాంకేతిక ప్రమాణాలతో ‘వృషకర్మ’ తెలుగు సినీ ప్రేక్షకుల కోసం అత్యంత ఆసక్తికర చిత్రంగా మారుతోంది.