ఆడియో ఈవెంట్‌లో రాజకీయ నినాదాలకు విజయ్ నియంత్రణ

దళపతి విజయ్ హీరోగా నటించిన ప్రముఖ తమిళ సినిమా ‘జననాయగన్’ 2026 సంక్రాంతికి విడుదల కానుంది. ఈ సినిమా ఆడియో రిలీజ్ కార్యక్రమాన్ని మలేసియా రాజధాని కౌలాలంపూర్‌లో నిర్వహించగా, ఈ వేడుకకు విజయ్ స్వయంగా హాజరయ్యారు. స్టేజీపై విజయ్ కనిపించగానే అభిమానులు ‘టీవీకే, టీవీకే’ అంటూ రాజకీయ నినాదాలు చేయడంతో, ఆయన వెంటనే స్పందించి రాజకీయపరమైన నినాదాలు చేయవద్దని చేతిసైగలతో వారించారు.

ఈ ఆడియో రిలీజ్ ఈవెంట్‌లో రాజకీయ వ్యాఖ్యలు చేయకూడదనే ముందస్తు ఆంక్షలు ఉండటంతో, విజయ్ కూడా వాటిని గౌరవిస్తూ అభిమానులను నియంత్రించారు. దీనికి సంబంధించిన వీడియో సోషల్ మీడియాలో వైరల్‌గా మారింది. ఈ కార్యక్రమంలో టీవీకే జెండా రంగులతో ఉన్న వస్తువులకు కూడా అక్కడి పోలీసులు అనుమతి ఇవ్వలేదు. రాజకీయాల్లోకి ప్రవేశించిన తర్వాత విజయ్ నటించిన చివరి సినిమా ‘జననాయగన్’ కావడంతో, ఆయనను చూడటానికి అభిమానులు భారీగా తరలివచ్చారు.