వీరోచిత లుక్‌లో విజయ్ దేవరకొండ… రణబాలి గ్లింప్స్ వైరల్

హీరో విజయ్ దేవరకొండ మరియు దర్శకుడు రాహుల్ సాంకృత్యాన్ కలయికలో గతంలో వచ్చిన సూపర్ హిట్ చిత్రం టాక్సీవాలా. ఆ విజయవంతమైన కాంబినేషన్ మరోసారి రిపీట్ అవుతోంది. వీరి కొత్త సినిమా అధికారికంగా ఖరారై, ఇప్పటికే ప్రేక్షకుల్లో భారీ అంచనాలను ఏర్పరుస్తోంది.

గణతంత్ర దినోత్సవాన్ని పురస్కరించుకుని విడుదల చేసిన గ్లింప్స్‌కు అద్భుతమైన స్పందన లభిస్తోంది. అదే గ్లింప్స్‌తో ఈ చిత్ర టైటిల్‌ను కూడా అధికారికంగా ప్రకటించారు. ఈ పవర్‌ఫుల్ మూవీకి రణబాలి అనే పేరును ఖరారు చేశారు. విజయ్ దేవరకొండ కెరీర్‌లో ఇది 14 వ చిత్రం కావడం విశేషం. ఈ సినిమాలో హీరోయిన్‌గా రష్మిక మందాన నటిస్తోంది. అలాగే హాలీవుడ్ నటుడు ఆర్నాల్డ్ వొస్లు కీలక పాత్రలో కనిపించనుండగా, సంగీతాన్ని అజయ్–అతుల్ అందిస్తున్నారు. ఈ భారీ బడ్జెట్ చిత్రాన్ని మైత్రీ మూవీ మేకర్స్ మరియు టి-సిరీస్ సంయుక్తంగా నిర్మిస్తున్నాయి.
బ్రిటిష్ పాలన కాలంలో సాగిన కథ, అప్పటి సామాజిక పరిస్థితులు, ఆకలి చావులు, వీరోచితంగా కనిపించే విజయ్ దేవరకొండ గెటప్ ఇవన్నీ సినిమాపై హై ఎక్స్పెక్టేషన్స్‌ను మరింత పెంచుతున్నాయి.