విచిత్ర ఫస్ట్ లుక్ ఘనంగా ఆవిష్కరణ..

ఎస్‌సీఎస్ ఫిలిమ్స్ బ్యానర్‌పై సైఫుద్దీన్ మాలిక్ దర్శకత్వం వహించి, నిర్మించిన “విచిత్ర” సినిమా ఫస్ట్ లుక్ పోస్టర్‌ను దర్శకుల సంఘం అధ్యక్షులు వి.ఎన్. ఆదిత్య ఆవిష్కరించారు. ఈ కార్యక్రమంతో సినిమాకు సంబంధించిన ప్రచార కార్యక్రమాలు అధికారికంగా ప్రారంభమయ్యాయి. సినిమా వచ్చే నెల 22 న ప్రేక్షకుల ముందుకు రానుంది.

ఈ సందర్భంగా దర్శకుడు, నిర్మాత సైఫుద్దీన్ మాలిక్ మీడియాకు కృతజ్ఞతలు తెలిపారు. దర్శకుల సంఘం ఎన్నికల్లో గెలుపొందిన వి.ఎన్. ఆదిత్యకు శుభాకాంక్షలు తెలియజేశారు. “విచిత్ర” సినిమా బాగా వచ్చిందని, వచ్చే నెల 22 న విడుదల కానుందని తెలిపారు. దర్శకులు వి.ఎన్. ఆదిత్య మాట్లాడుతూ టైటిల్ చాలా ఆసక్తికరంగా ఉందని, ట్రైలర్ కూడా బాగుందని ప్రశంసించారు. టెక్నికల్ టీమ్ పనితీరును అభినందిస్తూ సినిమా తప్పకుండా విజయం సాధిస్తుందని విశ్వాసం వ్యక్తం చేశారు.