అక్కినేని అఖిల్ ‘లెనిన్’ మూవీ నుంచి ‘వారెవా వారెవా..’ లిరికల్ సాంగ్ రిలీజ్

అఖిల్ అక్కినేని హీరోగా మురళి కిషోర్ అబ్బూరు దర్శకత్వంలో తెరకెక్కుతున్న చిత్రం ‘లెనిన్’. మనం ఎంటర్‌ప్రైజెస్ ఎల్‌ఎల్‌పి, సితార ఎంటర్‌టైన్‌మెంట్స్ బ్యానర్లపై అక్కినేని నాగార్జున, సూర్యదేవర నాగవంశీ నిర్మిస్తున్న ఈ సినిమా నుంచి ‘వారెవా వారెవా..’ లిరికల్ సాంగ్‌ను తాజాగా విడుదల చేశారు. అనంత శ్రీరామ్ రచించిన ఈ పాటను శ్వేతా మోహన్, జుబిన్ నౌటియాల్ ఆలపించగా, భావోద్వేగభరితమైన గాత్రంతో పాటకు మంచి స్పందన లభిస్తోంది.

ఎస్.ఎస్. థమన్ సంగీతం అందించిన ఈ రొమాంటిక్ పాట హీరో–హీరోయిన్ మధ్య కెమిస్ట్రీని అందంగా చూపిస్తూ సినిమాపై అంచనాలను మరింత పెంచింది. ఇప్పటికే సుమారు 70 శాతం షూటింగ్ పూర్తి చేసుకున్న ‘లెనిన్’ చిత్రాన్ని సమ్మర్‌లో విడుదల చేసేందుకు మేకర్స్ సిద్ధమవుతున్నారు. ఈ సినిమాలో అఖిల్ సరసన భాగ్యశ్రీ బోర్సే హీరోయిన్‌గా నటిస్తున్నారు.