భర్త మహాశయులకు విజ్ఞప్తి సినిమా నుంచి ‘వామ్మో వాయ్యో’ పాట విడుదల

మాస్ మహారాజా రవితేజ నటిస్తున్న అవుట్ అండ్ అవుట్ ఫ్యామిలీ ఎంటర్టైనర్ భర్త మహాశయులకు విజ్ఞప్తి. కిషోర్ తిరుమల దర్శకత్వంలో, ఎస్ఎల్వీ సినిమాస్ బ్యానర్‌పై సుధాకర్ చెరుకూరి నిర్మిస్తున్న ఈ చిత్రంలో డింపుల్ హయతి, ఆశికా రంగనాథ్ కథానాయికలుగా నటిస్తున్నారు. ఇప్పటికే విడుదలైన రెండు పాటలకు మంచి స్పందన లభించగా, ఇప్పుడు రవితేజతో పాటు ఇద్దరు హీరోయిన్లు కలిసి కనిపించే మూడో పాట ‘వామ్మో వయ్యో’ను మేకర్స్ విడుదల చేశారు.

భీమ్స్ సిసిరోలియో స్వరపరిచిన ఈ పవర్‌ప్యాక్డ్ ఫోక్ నంబర్ మాస్ ప్రేక్షకులను ఆకట్టుకుంటోంది. స్వాతి రెడ్డి యూకే గానం ప్రత్యేక ఆకర్షణగా నిలుస్తుండగా, దేవ్ పవార్ రాసిన రస్టిక్ లిరిక్స్‌కు శేఖర్ వీజే మాస్టర్ కొరియోగ్రఫీ అదనపు జోష్ ఇచ్చింది. రవితేజ తన ఎనర్జిటిక్ డ్యాన్స్‌తో అదరగొట్టగా, ఆశికా రంగనాథ్, డింపుల్ హయతి గ్లామర్‌తో పాటను మరింత ప్రత్యేకంగా మార్చారు. సంక్రాంతికి జనవరి 13న విడుదల కానున్న ఈ సినిమా ప్రేక్షకుల్లో భారీ అంచనాలు పెంచుతోంది.