త్రిష వ్యక్తిగత జీవితం మీద రూమర్స్ ఎందుకు ఆగడంలేదు?

నటిగా రెండు దశాబ్దాలకు పైగా మెరిసిన త్రిష వ్యక్తిగత జీవితం గురించి వచ్చే వార్తలు ఎప్పుడూ హాట్ టాపిక్‌గానే మారుతుంటాయి. వ్యాపారవేత్త వరుణ్ మణియన్‌తో త్రిష నిశ్చితార్థం జరిగిన సమయంలో పెళ్లి విషయంలో అన్ని వరుసలో ఉన్నా, అనుకోని పరిస్థితుల వల్ల ఆ బంధం అక్కడే ముగిసిపోయింది. ఆ తర్వాత త్రిష పూర్తిగా తన కెరీర్‌పై దృష్టి పెట్టి వరుస సినిమాల్లో బిజీ అయింది. ప్రేమ, పెళ్లి విషయాలు వచ్చినప్పుడు మాత్రం మనసుకు నచ్చిన వ్యక్తి దొరికితే పెళ్లి చేసుకుంటానని అప్పుడప్పుడు చెప్పేది.

త్రిష కూడా పెళ్లికి వ్యతిరేకి కాదని, అందరి లాగానే కుటుంబం, పిల్లలు అనే కోరిక ఉన్నదని ఎన్నో సందర్భాల్లో చెప్పింది. అయితే ఆమె వ్యక్తిగత జీవితం విషయంలో ఏ స్పష్టత లేకపోవడంతో రకరకాల పుకార్లు వస్తూనే ఉన్నాయి. ఇది సెలబ్రిటీల జీవితంలో సహజమే కానీ, పెళ్లి కాని నటీమణులపై ఇలాంటి రూమర్స్ మరింత వేగంగా వ్యాపిస్తుంటాయి.

ఇటీవల ఆస్ట్రేలియాకు చెందిన ఒక వ్యాపారవేత్తతో త్రిష పెళ్లి నిశ్చయమైందని మీడియాలో పెద్ద ఎత్తున ప్రచారం జరిగింది. ఈ వార్త వైరల్ కావడంతో త్రిష స్వయంగా ముందుకు వచ్చి ఖండించింది. ఆ తర్వాత ఆమె స్నేహితుడితో తీసుకున్న ఒక ఫోటో సోషల్ మీడియాలో వచ్చినప్పుడు, అతనినే బాయ్‌ఫ్రెండ్‌గా ప్రచారం చేయడం మొదలైంది. ఈసారి త్రిష కాస్త సీరియస్‌గా స్పందించి ఆ ప్రచారాలకు బ్రేక్ వేసింది.

అయితే ఆమె ఇచ్చిన ఖండనలు తాత్కాలికమే. సోషల్ మీడియా కాలంలో ఇలాంటి కథనాలు ఆగిపోవడం కష్టం. ముఖ్యంగా పెళ్లి కాని స్టార్‌హీరోయిన్ల విషయంలో ఇలాంటి రూమర్స్ ఎక్కువగానే వస్తుంటాయి. నెటిజన్ల అభిప్రాయం ప్రకారం త్రిష ఈ రూమర్స్‌కు శాశ్వత పరిష్కారం పొందాలంటే రెండు మార్గాలే ఉన్నాయి.  ఒకటి త్వరగా పెళ్లి చేసుకోవడం లేదా  రెండు తాను పెళ్లి చేసుకునే ఆలోచన లేనని అధికారికంగా ప్రకటించడం.

లేదంటే త్రిషపై ఇలాంటి ప్రచారాలు ఆగవని చాలా మంది అభిప్రాయపడుతున్నారు. ప్రస్తుతం త్రిష వయస్సు 42. అయినా కెరీర్ విషయానికి వస్తే ఆమెకు మంచి డిమాండ్ ఉంది. మెగాస్టార్ చిరంజీవి నటిస్తున్న విశ్వంభర చిత్రంలో ఆమె కీలక పాత్రలో నటిస్తోంది. అలాగే కొన్ని తమిళ ప్రాజెక్టులు కూడా చేతిలో ఉన్నాయి.

త్రిష బిజీగా ఉన్నప్పటికీ, ఆమె వ్యక్తిగత జీవితం మాత్రం ఎప్పటికప్పుడు వార్తల్లో నిలుస్తూనే ఉంది.