ఈ నెల24న నాని సుజీత్ మూవీ నేమ్ రివిల్

ఈనెల 24 న నాని, సుజీత్ సినిమాకు కొత్త పేరు వెల్లడించనున్నారు. ఈ నేపథ్యంలో సోమవారం కొత్త పోస్టర్‌ను రిలీజ్ చేశారు. నేచురల్ స్టార్ నాని ప్రధాన పాత్రలో, దర్శకుడు సుజీత్ తెరకెక్కిస్తున్న ఈ చిత్రం గత ఏడాది అక్టోబర్‌లో ప్రత్యేక పూజ కార్యక్రమంతో ప్రారంభమై షూటింగ్ మొదలైంది. మొదట ఈ సినిమాను డీవీవీ ఎంటర్‌టైన్‌మెంట్ నిర్మించాల్సి ఉండగా, వ్యయ సమస్యల కారణంగా వారు తప్పుకున్నట్లు సమాచారం.

తాజాగా ఈ చిత్రాన్ని నిహారిక ఎంటర్‌టైన్‌మెంట్ మరియు యూనానిమస్ ప్రొడక్షన్స్ సంయుక్తంగా నిర్మిస్తున్నారు. నిహారిక ఎంటర్‌టైన్‌మెంట్ అధినేత వెంకట్ బోయనపల్లి, గతంలో నాని నటించిన విజయవంతమైన చిత్రం “శ్యామ్ సింగ రాయ్” ను నిర్మించారు. యాక్షన్, వినోదం కలిగిన ఈ చిత్రం కొత్త రూపంలో ప్రేక్షకుల ముందుకు రానుంది.