తిమ్మరాజుపల్లి టీవీ సెకండ్ సింగిల్ ‘టీవీ వీడియో సాంగ్’ విడుదల

హీరో కిరణ్ అబ్బవరం తన కేఏ ప్రొడక్షన్స్ మరియు సుమైర స్టూడియోస్ సంయుక్తంగా నిర్మిస్తున్న చిత్రం తిమ్మరాజుపల్లి టీవీ. తేజ వేల్పుచర్ల సహ నిర్మాతగా వ్యవహరిస్తున్నారు. ఈ చిత్రంతో సాయి తేజ్, వేద జలంధర్ హీరో హీరోయిన్లుగా పరిచయమవుతుండగా, వి. మునిరాజు దర్శకుడిగా అరంగేట్రం చేస్తున్నారు. గ్రామీణ నేపథ్యంతో రూపొందుతున్న ఈ పీరియాడిక్ డ్రామా త్వరలోనే గ్రాండ్ థియేట్రికల్ విడుదలకు సిద్ధమవుతోంది. ఇటీవల ఈ సినిమా నుంచి సెకండ్ సింగిల్ ‘టీవీ వీడియో సాంగ్’ను విడుదల చేశారు.

టీవీ, డిష్ మొదటిసారి పల్లెటూర్లలోకి వచ్చినప్పుడు ప్రజల్లో నెలకొన్న ఆనందాన్ని ఈ పాట అందంగా ప్రతిబింబిస్తుంది. ఒక ఇంటికి టీవీ వచ్చిన రోజు ఆ కుటుంబానికే కాదు, ఆ ఊరి అంతటికీ పండుగ వాతావరణం నెలకొనేదని పాటలో చూపించారు. సనరే సాహిత్యం అందించగా, వంశీకాంత్ రేఖన సంగీతం సమకూర్చారు. స్వరాజ్ కీర్తన్ ఆలపించిన ఈ పాట గ్రామీణ జీవితంలోని ఆ మధుర జ్ఞాపకాలను మళ్లీ గుర్తు చేస్తోంది.