యూరప్‌లో రాజసాబ్ షూటింగ్ – ప్రభాస్ స్టైలిష్ లుక్ ఫొటోలు వైరల్!

పాన్‌-ఇండియా స్టార్ ప్రభాస్ నటిస్తున్న తాజా చిత్రం “ది రాజా సాబ్” చిత్రీకరణ వేగంగా సాగుతోంది. ప్రస్తుతం యూరప్‌లో ఒక అందమైన పాట చిత్రీకరణ జరుగుతోంది. ఆ షూట్‌కి సంబంధించిన ప్రభాస్ ఫొటోలు సోషల్ మీడియాలో వైరల్‌గా మారాయి.ఆ ఫొటోల్లో ప్రభాస్ కలర్‌ఫుల్ దుస్తులు, తలపై హెడ్‌స్కార్ఫ్‌తో స్టైలిష్‌గా కనిపిస్తున్నారు. ఆయనతో పాటు విదేశీ డ్యాన్సర్లు కూడా ఉన్నారు.మారుతి దర్శకత్వంలో రూపొందుతున్న ఈ చిత్రం ఒక హారర్ కామెడీ, ఇది ప్రభాస్ కెరీర్‌లో తొలిసారి ప్రయత్నిస్తున్న జానర్‌. సంగీతాన్ని థమన్‌ అందిస్తున్నారు.

పలు యాక్షన్‌, సీరియస్ థీమ్‌ల సినిమాల తరువాత, ప్రభాస్ ఈసారి కలర్‌ఫుల్ ఫ్యామిలీ ఎంటర్‌టైనర్ చేయాలని నిర్ణయించుకున్నారని సమాచారం. అందుకే ఈ సినిమాలో నిధి అగర్వాల్‌, మాళవిక మోహనన్‌, రిద్ధి కుమార్‌ ముగ్గురు హీరోయిన్‌లు నటిస్తున్నారు.మూడేళ్లుగా నిర్మాణంలో ఉన్న ఈ సినిమా ప్రస్తుతం చివరి దశలో ఉంది. యూరప్‌ షెడ్యూల్‌ ముగిసిన తర్వాత కొంత ప్యాచ్‌వర్క్‌ మాత్రమే మిగిలి ఉంది.

“ది రాజా సాబ్” చిత్రం 2026 జనవరి 9న థియేటర్లలో గ్రాండ్‌గా విడుదల కానుంది.