నవంబర్ 6న ప్రేక్షకులను అలరించబోతున్న ‘కాంతా’ ట్రైలర్!

దుల్కర్ సల్మాన్ నటిస్తున్న తెలుగుతో పాటు తమిళంలో తెరకెక్కుతున్న కాంతా సినిమాపై హైప్ రోజురోజుకీ పెరుగుతోంది. ఇప్పటివరకు వచ్చిన పాటలు, టీజర్ రెండూ కూడా సినిమాపై మంచి ఆసక్తి రేపాయి. ఇప్పుడే కొత్త అప్‌డేట్ ఇచ్చారు మేకర్స్. ఈ సినిమా ట్రైలర్ నవంబర్ 6న రిలీజ్ కానుంది. ఈ అప్‌డేట్‌ని ప్రకటించడానికి రిలీజ్ చేసిన ఫస్ట్ స్పార్క్ వీడియోతోనే ప్రేక్షకుల్లో కొత్త కుతూహలం మొదలైంది. రెండు శక్తివంతమైన క్యారెక్టర్ల మధ్య జరిగే ఎమోషనల్ డ్రామా అని టచ్ ఇచ్చారు.

ఈ సినిమాలో దుల్కర్ సల్మాన్ ఒక ఫేమస్ యాక్టర్‌గా, సముద్రకని ఒక ఫిల్మ్‌మేకర్‌గా కనిపించబోతున్నారు. హీరోయిన్‌గా భాగ్యశ్రీ బోర్స్ నటిస్తోంది. సెల్వమణి సెల్వరాజ్ దర్శకత్వంలో రూపొందిన ఈ సినిమాను దుల్కర్ సొంత బ్యానర్ వే ఫారర్ ఫిలిమ్స్ ప్రైవేట్ లిమిటెడ్ నిర్మిస్తుండగా, రానా దగ్గుబాటి యొక్క స్పిరిట్ మీడియా ఈ ప్రాజెక్ట్‌ని ప్రెజెంట్ చేస్తోంది. టీజర్‌తో కాంతా ప్రపంచం ఎలా ఉండబోతుందో ఒక చిన్న లుక్ చూపించారు, ఇప్పుడు ట్రైలర్ మాత్రం మరింత డెప్త్‌లోకి తీసుకెళ్లి స్టోరీ ఎమోషన్‌ని క్లియర్‌గా చూపించబోతుందని అంచనా.