కృష్ణవంశీ మనసుకు దగ్గరైన సినిమా ఇదే..

సృజనాత్మక దర్శకుడిగా ప్రత్యేక గుర్తింపు పొందిన కృష్ణవంశీ తాజాగా ఓ ఇంటర్వ్యూలో తన సినీ ప్రయాణానికి సంబంధించిన ఆసక్తికర విషయాలను పంచుకున్నారు. కమర్షియల్ ఫార్మాట్‌కు భిన్నంగా ఎన్నో వైవిధ్యమైన చిత్రాలను తెరకెక్కించిన ఆయన, తన కెరీర్‌లో అత్యంత ఇష్టమైన సినిమా ఏదో వెల్లడించారు. దర్శకుడిగా తనకు ‘సింధూరం’ సినిమా ఎంతో ప్రత్యేకమని, ఆ చిత్రంలో తన పనితీరు పట్ల చాలా సంతృప్తిగా ఉన్నానని తెలిపారు.

అదే సమయంలో తాను తెరకెక్కించిన ‘రాఖీ’, ‘సముద్రం’ చిత్రాల విషయంలో మాత్రం పూర్తిస్థాయి సంతృప్తి పొందలేదని కృష్ణవంశీ పేర్కొన్నారు. అలాగే జూనియర్ ఎన్టీఆర్ గురించి మాట్లాడుతూ, ఆయన అత్యంత కష్టపడే నటుడని ప్రశంసించారు. ఎన్టీఆర్ అంకితభావం, కృషి తనను ఎప్పుడూ ఆకట్టుకుంటాయని తెలిపారు.