‘తేరే ఇష్క్ మేన్’ ట్రైలర్… ప్రేమ, కోపం, విరహం కలిసి వచ్చే కథ?

12:30 AM, 15 నవంబర్, 2025

ధనుష్ – కృతి సనన్ జంటగా రూపొందిన తేరే ఇష్క్ మేన్ ట్రైలర్ విడుదలైంది. భావోద్వేగాలకు ప్రాధాన్యం ఇచ్చే కథలు చెప్పడంలో ప్రత్యేకమైన గుర్తింపు ఉన్న ఆనంద్ ఎల్ రాయ్ దర్శకత్వంలో రాబోతున్న ఈ చిత్రం, ప్రేమను అంచుల దాకా నడిపే కథను సూచిస్తోంది.

ప్రేమ మొదలై… విరహం మలుపు తిప్పిన తర్వాత

ట్రైలర్‌లో ధనుష్ కోపంతో, అహంకారంతో నడిచే యువకుడి పాత్రలో కనిపిస్తున్నాడు. కృతి సనన్‌తో అతని ప్రేమ ప్రయాణం కళాశాల రోజుల నుంచి మొదలై ఎంజాయ్‌మెంట్, భావోద్వేగాలతో నిండుగా సాగుతుంది.

కానీ అకస్మాత్తుగా కృతి తన నిర్ణయాన్ని మార్చుకుని మరో వ్యక్తిని వివాహం చేసుకోవాలని భావించడంతో కథ పూర్తిగా మారిపోతుంది.
విరహంతో ఇద్దరి జీవితాలు ఊహించని మార్గాల్లోకి మళ్లుతాయి.

సాధారణ ప్రేమ కథ కాకుండా… పాత్రల మార్పు ఆసక్తికరం

సాధారణంగా విరహంతో హీరోనే కుంగిపోతాడు.
కానీ తేరే ఇష్క్ మేన్ లో ఈ సారి హీరో కాదు… హీరోయిన్‌నే విరహ వేళలో కుంగిపోతూ చూపించారు — సిగరెట్లు, మద్యం, భావోద్వేగపు పతనం.

అటు ధనుష్ మాత్రం పూర్తిగా మారిపోతాడు — క్రమశిక్షణ, శిక్షణతో కూడిన ఎయిర్ ఫోర్స్ పైలట్‌గా ఎదిగిపోతాడు.