భారతీరాజా మృతితో చిత్రసీమలో విషాదం.. నివాళులర్పించిన సీఎం విజయ్, సూర్య

లెజెండరీ దర్శకుడు భారతీరాజా మృతిపట్ల తమిళ చిత్రసీమ తీవ్ర దిగ్భ్రాంతి వ్యక్తం చేసింది. విజయ్ నేరుగా భారతీరాజా నివాసానికి చేరుకుని ఆయనకు నివాళులర్పించారు. అనంతరం కుటుంబ సభ్యులను పరామర్శించి తన ప్రగాఢ సానుభూతిని తెలియజేశారు. తమిళ స్టార్ హీరో సూర్య కూడా భారతీరాజా ఇంటికి వెళ్లి నివాళులర్పించారు.

కొన్ని రోజులుగా అనారోగ్యంతో బాధపడుతున్న భారతీరాజా మరణంతో భారతీయ సినీ పరిశ్రమ ఒక గొప్ప దర్శకుడిని కోల్పోయింది. తమిళ సినీ రంగంలో విప్లవాత్మక చిత్రాలతో ప్రత్యేక గుర్తింపు పొందిన ఆయన, నటుడిగానూ అనేక చిత్రాల్లో నటించారు. తెలుగులో ఆరాధన, సీతాకోకచిలుక వంటి విజయవంతమైన చిత్రాలను తెరకెక్కించి తెలుగు ప్రేక్షకుల హృదయాల్లో ప్రత్యేక స్థానం సంపాదించారు. ఇప్పటికే చిరంజీవి సహా పలువురు సినీ ప్రముఖులు సోషల్ మీడియా వేదికగా ఆయనకు నివాళులర్పిస్తూ సంతాపం ప్రకటించారు.