టైటిల్ గ్లింప్స్ డేట్ ఫిక్స్ చేసిన SVC59, స్పెషల్ ప్రోమో రిలీజ్...

శ్రీ వెంకటేశ్వర క్రియేషన్స్ బ్యానర్‌పై స్టార్ హీరో విజయ్ దేవరకొండ నటిస్తున్న కొత్త చిత్రం “SVC59” ప్రేక్షకుల్లో భారీ ఆసక్తిని రేకెత్తిస్తోంది. దిల్ రాజు, శిరీష్ నిర్మాతలుగా తెరకెక్కుతున్న ఈ సినిమాకు రాజా వారు రాణి గారు ఫేమ్ రవి కిరణ్ కోలా దర్శకత్వం వహిస్తున్నారు. ఈ చిత్రానికి సంబంధించిన టైటిల్ గ్లింప్స్ విడుదల తేదీని ప్రకటిస్తూ విడుదల చేసిన ప్రత్యేక ప్రోమోలో దర్శకుడు కథ నేపథ్యాన్ని ఆసక్తికరంగా పరిచయం చేశారు.

ప్రోమోలో రవి కిరణ్ కోలా మాట్లాడుతూ, ఇది లోపాలతో కూడిన, కోపంతో నిండిన, గాయపడిన ఒక వ్యక్తి కథ అని, అయినా అతను నిజమైన మనిషిగా కనిపిస్తాడని చెప్పారు. “ఫ్లాడ్, యాంగ్రీ, వుండెడ్” అనే మాటలతో కథానాయకుడి స్వభావాన్ని వివరించారు. చివర్లో విజయ్ దేవరకొండ చేతి విజువల్ మాత్రమే చూపించడం సినిమాపై మరింత ఆసక్తిని పెంచింది. గ్రామీణ యాక్షన్ డ్రామాగా రూపొందుతున్న ఈ చిత్రం డిసెంబర్ 22 న సాయంత్రం 7:29 గంటలకు గ్లింప్స్ విడుదల చేయనుంది. రెగ్యులర్ షూటింగ్ త్వరలో ప్రారంభం కానుంది.