విజయ్ జన నాయగన్‌కు టికెట్ రేట్లపై షాకింగ్ రూల్స్!

తమిళనాడు ముఖ్యమంత్రి విజయ్ నటించిన చివరి సినిమా 'జన నాయగన్' జూలై 23న ప్రపంచవ్యాప్తంగా గ్రాండ్‌గా విడుదల కానుంది. హెచ్. వినోద్ దర్శకత్వంలో తెరకెక్కిన ఈ చిత్రానికి సెన్సార్ బోర్డు 'A' సర్టిఫికెట్ ఇవ్వడంతో 18 ఏళ్లలోపు వారికి థియేటర్లలో ప్రవేశం ఉండదు. తమిళనాడులో సుమారు 950 స్క్రీన్లలో, ప్రపంచవ్యాప్తంగా దాదాపు 3,000 స్క్రీన్లలో ఈ సినిమా విడుదల కానుంది.

సినిమా విడుదల సమయంలో ఎలాంటి వివాదాలు తలెత్తకుండా ఉండేందుకు ప్రభుత్వం నిర్ణయించిన ధరలకంటే ఎక్కువకు టికెట్లు విక్రయించవద్దని నిర్మాతలు థియేటర్ యాజమాన్యాలకు కఠిన ఆదేశాలు జారీ చేసినట్లు సమాచారం. విజయ్ ప్రస్తుతం ముఖ్యమంత్రిగా ఉన్న నేపథ్యంలో టికెట్ ధరల అంశం రాజకీయ చర్చకు దారి తీయకుండా ముందస్తు జాగ్రత్తలు తీసుకున్నట్లు ప్రచారం జరుగుతోంది.