సినిమాల్లో కనిపించేలా కాదు నా నిజజీవిత వ్యక్తిత్వం – శ్రీలీల

టాలీవుడ్‌లో తన ఎనర్జీతో, మాస్‌ రోల్స్‌తో ప్రేక్షకులను ఆకట్టుకున్న నటి శ్రీలీల తన నిజజీవిత వ్యక్తిత్వం మాత్రం పూర్తిగా భిన్నమని వెల్లడించారు. సినిమాల్లో బిజీగా ఉన్నప్పటికీ ఎంబీబీఎస్‌ పూర్తి చేసిన ఈ యువ నటి, తాను చాలా సాఫ్ట్‌నేచర్‌ ఉన్న వ్యక్తినని చెప్పారు. మాస్ జాతర సినిమా ప్రమోషన్ల సందర్భంగా మాట్లాడుతూ శ్రీలీల, నిజ జీవితంలో నా లైఫ్‌ చాలా సింపుల్‌, ఎలిగెంట్‌. సినిమాల్లో కనిపించేలా మాస్ కాదు. నాకు మెలోడీ పాటలంటే ఇష్టం, హై ఎనర్జీ సాంగ్స్ కంటే సున్నితమైన సంగీతం నచ్చుతుంది అని తెలిపారు.

ఈ సినిమాలో ఆమె శ్రీకాకుళం ప్రాంతానికి చెందిన లెక్చరర్‌గా నటిస్తున్నారు. ఆ ప్రాంతం యాసలోనే డైలాగులు చెప్పేందుకు ప్రత్యేక శ్రద్ధ పెట్టినట్లు తెలిపారు. రవితేజ సరసన నటించిన ఈ చిత్రం ప్రేక్షకులలో భారీ అంచనాలను రేకెత్తిస్తోంది.