చైతూ బర్త్‌డే సందర్భంగా శోభితా పెట్టిన పోస్ట్ వైరల్!

39వ పుట్టినరోజు జరుపుకుంటున్న చైతన్యకు శోభితా ధూళిపాళ్ల చెప్పిన హృదయపూర్వక బర్త్‌డే విషెస్ సోషల్ మీడియాలో క్షణాల్లో వైరల్ అయ్యాయి.

“హ్యాపీ బర్త్‌డే, లవర్” అని ఆమె రాసి, ఓ నిశ్శబ్దమైన చీకటి వీధిలో తీసిన రొమాంటిక్ ఫోటోను షేర్ చేసింది. ఆ ఫోటోలో శోభితా గోల్డెన్‌ సారీపై వార్మ్‌ జాకెట్‌లో కనిపిస్తుండగా, చైతన్య కుర్తా–పజామాపై బ్లాక్ జాకెట్ వేసుకున్నాడు. ఇందులో ముఖ్యంగా అందరి దృష్టిని ఆకర్షించిన క్షణం చైతూ ఆమె జాకెట్ జిప్ వేసిన మధురమైన సీన్. ఎలాంటి ఆర్భాటం లేకుండా సహజంగా, అందంగా, వారిద్దరి కెమిస్ట్రీని స్పష్టంగా చూపించిన ఆ క్షణాన్ని ఫ్యాన్స్ అంతా రీ–షేర్ చేస్తూ వైరల్ చేశారు.

ఇదిలా ఉండగా, చైతూ తన కొత్త సినిమా వృషకర్మ షూట్‌లో తిరిగి బిజీ అయ్యాడు. ఆయన పుట్టినరోజు సందర్భంగా ఫస్ట్‌లుక్ విడుదలయ్యింది, దీనితో ఫ్యాన్స్‌లో పెద్ద ఎగ్జైట్‌మెంట్ నెలకొంది. తండేల్ తర్వాత మరో మంచి హిట్‌ అవుతుందనే ఆశతో ఈ చిత్రాన్ని చూస్తున్నారు.