‘సర్దార్ 2’ నుంచి ఎస్.జె. సూర్య పవర్‌ఫుల్ లుక్ విడుదల

కోలీవుడ్ స్టార్ హీరో కార్తీ ప్రధాన పాత్రలో నటిస్తున్న స్పై యాక్షన్ థ్రిల్లర్ ‘సర్దార్ 2’పై ప్రేక్షకుల్లో భారీ అంచనాలు నెలకొన్నాయి. 2022లో బ్లాక్‌బస్టర్ విజయాన్ని అందుకున్న ‘సర్దార్’ చిత్రానికి ఇది సీక్వెల్‌గా తెరకెక్కుతోంది. పి.ఎస్. మిథ్రాన్ దర్శకత్వం వహిస్తున్న ఈ చిత్రం 2026 సెప్టెంబర్ 10న ప్రపంచవ్యాప్తంగా థియేటర్లలో విడుదల కానుంది. ఇందులో కార్తీ సర్దార్ మరియు ఇన్‌స్పెక్టర్ విజయ్ పాత్రల్లో ద్విపాత్రాభినయం చేస్తున్నారు.

ఎస్.జె. సూర్య పుట్టినరోజు సందర్భంగా చిత్రబృందం ఆయనకు శుభాకాంక్షలు తెలుపుతూ ప్రత్యేక పోస్టర్‌ను విడుదల చేసింది. పవర్‌ఫుల్ లుక్‌లో కనిపించిన ఎస్.జె. సూర్య పోస్టర్ ప్రస్తుతం సోషల్ మీడియాలో వైరల్‌గా మారి అభిమానులను ఆకట్టుకుంటోంది. ఈ చిత్రంలో మాళవికా మోహనన్, యోగి బాబు తదితరులు కీలక పాత్రల్లో నటిస్తున్నారు.