పాన్ ఇండియా స్థాయిలో విడుదలకు సిద్ధమైన ‘త్రికాల’

భారతీయ సనాతన ధర్మంలో దాగి ఉన్న ఆధ్యాత్మిక రహస్యాల నేపథ్యంలో రూపొందిన మైథలాజికల్ ఫిక్షనల్ థ్రిల్లర్ ‘త్రికాల’ మే 28న ప్రపంచవ్యాప్తంగా ప్రేక్షకుల ముందుకు రానుంది. ప్రముఖ నటి శ్రద్ధాదాస్ ప్రధాన పాత్రలో నటిస్తుండగా, “మాస్టర్” ఫేమ్ మహేంద్రన్, అజయ్, సీనియర్ నటి ఆమని కీలక పాత్రలు పోషిస్తున్నారు. కథను రచించి దర్శకత్వం వహించిన మణి తెల్లగూటి తెరకెక్కించిన ఈ చిత్రాన్ని రాధిక–శ్రీనివాస్ నిర్మించారు. చాగంటి ప్రొడక్షన్ LLP ఈ చిత్రాన్ని ప్రపంచవ్యాప్తంగా విడుదల చేస్తోంది.

ఇప్పటికే విడుదలైన ట్రైలర్‌, పాటలు, ప్రచార చిత్రాలు సినిమాపై భారీ అంచనాలను పెంచాయి. అడవి నేపథ్యంలో రూపొందించిన విజువల్స్‌, థ్రిల్లింగ్ ఎలిమెంట్స్‌, వెన్నులో వణుకు పుట్టించే బ్యాక్‌గ్రౌండ్ స్కోర్ ప్రేక్షకులను విశేషంగా ఆకట్టుకుంటున్నాయి. ‘త్రికాల’ కేవలం హారర్ చిత్రం కాకుండా దైవిక శక్తులు, అతీత శక్తుల మధ్య జరిగే మైథలాజికల్ థ్రిల్లర్‌గా తెరకెక్కినట్టు తెలుస్తోంది. హైఎండ్ VFX, గ్రాండ్ విజువల్స్‌, హర్షవర్ధన్ రామేశ్వర్ సంగీతం సినిమాకు ప్రత్యేక ఆకర్షణగా నిలవనున్నాయి. “అమ్మ” పాట, శ్రద్ధాదాస్ కొత్త లుక్‌, మహేంద్రన్ యాక్షన్ సన్నివేశాలు సినిమాపై ఆసక్తిని మరింత పెంచుతున్నాయి.