షాకిస్తున్న 'పెద్ది' డిజిటల్ రైట్స్

మెగా పవర్ స్టార్ రామ్ చరణ్ హీరోగా బుచ్చిబాబు దర్శకత్వంలో తెరకెక్కుతున్న గ్రామీణ స్పోర్ట్స్ డ్రామా ‘పెద్ది’ రిలీజ్‌కి ముందే రికార్డులు సృష్టిస్తోంది. గ్లోబల్ ఓటీటీ సంస్థ నెట్‌ఫ్లిక్స్ డిజిటల్ స్ట్రీమింగ్ హక్కులను ₹130 కోట్లు కవర్‌చేసి సొంతం చేసుకున్నట్లు సమాచారం. తెలుగు, తమిళం, హిందీతో పాటు మొత్తం ఐదు భాషలకు సంబంధించిన ఈ ఒప్పందం రామ్ చరణ్ గ్లోబల్ క్రేజ్‌ను మరోసారి రుజువు చేస్తోంది. సినిమా థియేట్రికల్ రిలీజ్ నాలుగు వారాల తర్వాత నెట్‌ఫ్లిక్స్‌లో ప్రసారం కానుందని ఆశిస్తున్నారు.

ఈ డీల్‌లో మరో ఆసక్తికర అంశం ఉంది. పెద్ది బాక్సాఫీస్‌లో బ్లాక్‌బస్టర్ హిట్‌గా నిలుస్తే, నెట్‌ఫ్లిక్స్ అదనంగా ₹20 కోట్లు బోనస్‌గా చెల్లించేందుకు సిద్ధంగా ఉంది. దీని ద్వారా మొత్తం డిజిటల్ రైట్స్ విలువ ₹150 కోట్ల వరకు చేరే అవకాశం ఉంది. జాన్వీ కపూర్ హీరోయిన్‌గా, ఆస్కార్ విజేత ఏ ఆర్ రెహమాన్ సంగీతం అందించిన ఈ సినిమా గ్లింప్స్, పాటలు ఇప్పటికే ప్రేక్షకులను ఆకట్టుకున్నాయి. ఈ నెల 30 న ప్రపంచవ్యాప్తంగా థియేట్రికల్ రిలీజ్ కానున్న ఈ గ్రామీణ స్పోర్ట్స్ డ్రామాలో చరణ్ పహిల్వాన్ మరియు క్రికెట్ క్రీడాకారుడిగా నటిస్తున్నాడు. సినిమా సృష్టించే రికార్డులను చూడాలన్న ఉత్సాహం అభిమానుల్లో పెరుగుతోంది.