వసూళ్ల మోజుపై మనోజ్ ఘాటు వ్యాఖ్యలు?

సినిమా రంగంలో పెరుగుతున్న వసూళ్ల మోజుపై నటుడు మనోజ్ బాజ్‌పాయ్ చేసిన వ్యాఖ్యలు చర్చకు దారితీశాయి. ప్రస్తుతం సినిమాల చర్చలు కథ, నటన, భావోద్వేగాల కంటే వందల కోట్ల బడ్జెట్‌లు, రికార్డు వసూళ్ల చుట్టూనే తిరుగుతున్నాయని ఆయన అభిప్రాయపడ్డారు.

ఒక సినిమా ప్రేక్షకుడికి గుర్తుండాల్సింది కథ, అనుభూతి మాత్రమే కానీ కలెక్షన్ ఫిగర్లు కాదని ఆయన అన్నారు. బాక్సాఫీస్ లెక్కలు నిర్మాతలు, పంపిణీదారుల వ్యవహారం మాత్రమేనని, సాధారణ ప్రేక్షకుడికి వాటితో సంబంధం లేదని చెప్పారు. ఈ వ్యాఖ్యలు సోషల్ మీడియాలో మిశ్రమ స్పందనను రేపుతున్నాయి.