పూర్తి వినోదంతో ప్రేక్షకుల ముందుకు సతీ లీలావతి

రాబోయే వినోదాత్మక చిత్రం ‘సతీ లీలావతి’  వచ్చే నెల 6 న ప్రేక్షకుల ముందుకు రానుంది. ఆనంది ఆర్ట్ క్రియేషన్స్ సమర్పణలో, దుర్గాదేవి పిక్చర్స్ బ్యానర్‌పై నాగ మోహన్ నిర్మించిన ఈ చిత్రంలో లావణ్య త్రిపాఠి కొణిదెల, దేవ్ మోహన్ జంటగా నటించారు. తాతినేని సత్య దర్శకత్వం వహించిన ఈ సినిమా రిలీజ్ డేట్ అనౌన్స్మెంట్ సందర్భంగా జరిగిన ప్రెస్ మీట్‌లో లావణ్య త్రిపాఠి మాట్లాడుతూ, సినిమా ప్రారంభ సమయంలో తాను గర్భవతినని, దర్శకుడు మరియు నిర్మాతల సహకారంతో కేవలం మూడు నెలల్లోనే షూటింగ్ పూర్తి చేయగలిగానని తెలిపారు. ఈ చిత్రం పూర్తిగా వినోదాత్మకంగా ఉంటుందని, అన్ని వర్గాల ప్రేక్షకులను ఆకట్టుకుంటుందని ఆమె విశ్వాసం వ్యక్తం చేశారు.

దర్శకుడు తాతినేని సత్య మాట్లాడుతూ, కమల్ హాసన్ నటించిన పాత ‘సతీ లీలావతి’తో తమ చిత్రాన్ని పోల్చవద్దని, అందరూ రిలేట్ అయ్యేలా ఈ సినిమాను రూపొందించామని చెప్పారు. నిర్మాత నాగ మోహన్ ఇది తన తొలి చిత్రం అని, ప్రపంచవ్యాప్తంగా  వచ్చే నెల 6 న విడుదల చేయనున్నామని తెలిపారు. నటుడు సప్తగిరి కూడా ఈ సినిమా పూర్తి స్థాయి ఎంటర్‌టైనర్ అని, ప్రేక్షకులు థియేటర్లలో ఎంజాయ్ చేస్తారని అన్నారు. లావణ్య త్రిపాఠి, దేవ్ మోహన్‌తో పాటు నరేష్, వీటీవీ గణేష్, సప్తగిరి తదితరులు కీలక పాత్రలు పోషించారు.