సర్దార్ 2 సెన్సార్ పూర్తి!

కార్తీ నటిస్తున్న సర్దార్ 2 సినిమాపై ప్రేక్షకుల్లో మంచి ఆసక్తి నెలకొంది. దర్శకుడు పి ఎస్ మిత్రన్ రూపొందిస్తున్న ఈ చిత్రం సాలిడ్ స్పై యాక్షన్ థ్రిల్లర్‌గా తెరకెక్కుతోంది. కార్తీ ఇటీవల నటించిన కొన్ని సినిమాలు ఆశించిన స్థాయిలో విజయం సాధించకపోయినా, సర్దార్ 2పై మాత్రం విడుదలకు ముందే మంచి అంచనాలు ఏర్పడ్డాయి. తాజాగా ఈ సినిమాకు సంబంధించిన సెన్సార్ కార్యక్రమాలు పూర్తయ్యాయి. సెన్సార్ బోర్డు చిత్రానికి యూ/ఏ ధ్రువపత్రాన్ని జారీ చేసినట్టు చిత్రబృందం అధికారికంగా వెల్లడించింది. దీంతో సినిమా అన్ని వర్గాల ప్రేక్షకులను అలరించేందుకు సిద్ధమైనట్టైంది.

ఈ చిత్రంలో ఎస్ జే సూర్య ప్రతినాయకుడి పాత్రలో కనిపించనున్నారు. మాళవిక మోహనన్, రజిషా విజయన్ తదితరులు కీలక పాత్రలు పోషిస్తున్నారు. కథ, యాక్షన్ సన్నివేశాలతో పాటు కార్తీ పాత్ర కూడా ప్రత్యేక ఆకర్షణగా నిలుస్తుందని చిత్రబృందం నమ్మకంగా ఉంది. ఈ చిత్రానికి సామ్ సి ఎస్ సంగీతం అందిస్తున్నారు. త్వరలోనే విడుదలకు సంబంధించిన ప్రచార కార్యక్రమాలను మరింత వేగవంతం చేయనున్నట్టు సమాచారం. అభిమానులు ఈ సినిమా కోసం ఆసక్తిగా ఎదురుచూస్తున్నారు.