సెన్సార్ అభ్యంతరాలతో సరస్వతి సినిమా టైటిల్ మార్పు

నటి వరలక్ష్మి శరత్ కుమార్ దర్శకత్వంలో రూపొందుతున్న సరస్వతి సినిమాకు చివరి నిమిషంలో టైటిల్ మార్పు జరిగింది. సెన్సార్ బోర్డు అభ్యంతరాల నేపథ్యంలో ఈ సినిమా పేరును ‘ఎస్. సరస్వతి’ గా మార్చినట్లు చిత్రబృందం వెల్లడించింది.  హిందూ దేవత పేరు నేరుగా ఉపయోగించడంపై సెన్సార్ సభ్యులు అభ్యంతరం వ్యక్తం చేయడంతో, టైటిల్ ముందు ‘ఎస్.’ అనే అక్షరాన్ని చేర్చి కొత్త పేరును ప్రకటించారు.

ఈ చిత్రం వరలక్ష్మి శరత్ కుమార్‌కు దర్శకురాలిగా తొలి ప్రయత్నం కావడం విశేషం. ఆమెనే ప్రధాన పాత్రలో నటిస్తూ, తన సోదరి పూజా శరత్ కుమార్తో కలిసి సినిమాను నిర్మిస్తున్నారు. ఈ థ్రిల్లర్ చిత్రంలో ప్రియమణి, ప్రకాష్ రాజ్, రాధిక, సప్తగిరి, కిశోర్ వంటి నటులు కీలక పాత్రలు పోషిస్తున్నారు.