లవ్ అండ్ కామెడీ కలయికగా సంతానప్రాప్తిరస్తు ట్రైలర్ హిట్!

“సంతాన ప్రాప్తిరస్తు” సినిమా, విక్రాంత్ మరియు చాందిని చౌదరి ప్రధాన పాత్రల్లో, నవంబర్ 14న గ్రాండ్‌గా రిలీజ్‌కి సిద్ధమవుతోంది. ఇప్పటికే ఈ మూవీకి సంబంధించిన పాటలు హిట్టయి మంచి బజ్ క్రియేట్ చేశాయి. ఈ రోజు మాత్రం మేకర్స్ ఫుల్ ఫన్‌తో కూడిన ట్రైలర్‌ని గ్రాండ్ ఈవెంట్‌లో రిలీజ్ చేశారు. ట్రైలర్ మొదట్లో తరుణ్ భాస్కర్ (జాక్ రెడ్డి పాత్రలో) హీరో లవ్ స్టోరీ గురించి అడిగే సీన్‌తో మొదలవుతుంది.  అభినవ్ గోమటం ఫ్రెండ్‌గా ఉంటూ, విక్రాంత్ – చాందిని చౌదరి లవ్ స్టోరీని క్యూట్‌గా నరేట్ చేస్తాడు.  విక్రాంత్, కళ్యాణిపై ప్రేమలో పడతాడు. అమ్మాయిని పెళ్లి చేసుకుంటాడు కానీ, ఆమె తండ్రి మాత్రం ఆ వివాహానికి అంగీకరించడు. ఆమె తన తండ్రి మనసు గెలుచుకోవాలని, వీరిద్దరూ పిల్లల కోసం ప్లాన్ చేస్తారు తాతయ్యగా మారితే ఆయన సంతోషిస్తాడని అనుకుంటారు. కానీ కథ ఇక్కడ ట్విస్ట్ అవుతుంది!

విక్రాంత్‌కి లో స్పెర్మ్ కౌంట్ ఉందని తెలిసిపోతుంది. ఇక అక్కడి నుండి ఎమోషన్‌తో కూడిన కామెడీ జర్నీ మొదలవుతుంది. వెన్నెల కిషోర్ బ్రహ్మరం అనే డాక్టర్‌గా ఎంటర్ అవుతాడు. హీరో సమస్యకు సొల్యూషన్ చూపించే క్రమంలో పలు కామెడీ, సెంటిమెంట్ సీన్స్ ఉంటాయి. ఈ సినిమా కుటుంబమంతా కలిసి చూడదగిన ఫ్యామిలీ ఎంటర్‌టైనర్, నవ్వులు, భావోద్వేగాలు, డ్రామా అన్నీ కలిపిన పర్ఫెక్ట్ ప్యాకేజీలా కనిపిస్తోంది. వెన్నెల కిషోర్, తరుణ్ భాస్కర్, అభినవ్ గోమటం, మురళీధర్ గౌడ్, జీవన్ కుమార్ వంటి నటులు సపోర్టింగ్ రోల్స్‌లో కనిపిస్తారు.

మధుర ఎంటర్‌టైన్‌మెంట్ మరియు నిర్వి ఆర్ట్స్ బ్యానర్లపై మధుర శ్రీధర్ రెడ్డి మరియు నిర్వి హరిప్రసాద్ రెడ్డి ఈ సినిమాను నిర్మించారు. సంజీవ్ రెడ్డి దర్శకత్వం వహించగా (ABCD, Aha Naa Pellanta ఫేమ్), స్క్రీన్‌ప్లేను షేక్ దావూద్ జీ రాశారు (వెంకటాద్రి ఎక్స్‌ప్రెస్, ఎక్స్‌ప్రెస్ రాజా, ఒక మినీ కథ ఫేమ్). ఇతర పాత్రల్లో శ్రీలక్ష్మి, హర్షవర్ధన్, బిందు చంద్రమౌళి, సత్యకృష్ణ, కీర్తి, అనిల్ గీలా, సద్దాం తదితరులు నటిస్తున్నారు.