ఛాంపియన్ మూవీ లో ఆకట్టుకుంటున్న ‘సల్లంగుండాలే’ పెళ్లి పాట!

స్వప్న సినిమాస్ నిర్మిస్తున్న ఛాంపియన్ చిత్రం, ఆనంది ఆర్ట్ క్రియేషన్స్ మరియు కాన్సెప్ట్ ఫిల్మ్స్‌తో కలిసి రూపొందగా, జీ స్టూడియోస్ సమర్పిస్తోంది. రోషన్, అనస్వర రాజన్‌ ప్రధాన పాత్రల్లో నటిస్తున్న ఈ చిత్రానికి చెందిన రెండో సింగిల్ “సల్లంగుండాలి”, వధువు ఇంటిని విడిచి వెళ్లాల్సిన భావోద్వేగ క్షణాన్ని, ఆమె తండ్రి ఇచ్చే ఓదార్పును, తర్వాత కుటుంబ సభ్యులు కలిసి ప్రారంభించే పెళ్లి వేడుకలను అందంగా చూపిస్తుంది.

మిక్కీ జే మేయర్ సంగీతం, చంద్రబోస్ సాహిత్యం, రితేష్ జీ రావు–మణిషా ఈరబతినీ గానంతో పాట మరింత హృద్యంగా మారింది. బ్రిందా గోపాల్ మాస్టర్ కొరియోగ్రఫీ, ఆర్జే మాధీ అందించిన విజువల్స్, తోట తరణి సెట్‌లు, కోటగిరి వెంకటేశ్వరరావు ఎడిటింగ్— అన్ని కలిసి చిత్రానికి మంచి నాణ్యతను తెచ్చాయి. ఛాంపియన్ డిసెంబర్ 25 న ప్రేక్షకుల ముందుకు రానుంది.