విజయ్ దేవరకొండ రౌడీ జనార్ధన మూవీ టీజర్ వాయిదా!

ఒకే తేదీన పలు సినిమాల ప్రకటనలు వెలువడుతున్న నేపథ్యంలో, రౌడీ జనార్ధన సినిమా టీమ్ టీజర్/గ్లింప్స్ విడుదలను డిసెంబర్ 18 నుంచి డిసెంబర్ 22 కు వాయిదా వేసినట్లు ప్రకటించింది. కంటెంట్ పూర్తిగా సిద్ధంగా ఉందని, సోషల్ మీడియాలో చక్కర్లు కొడుతున్న తప్పుడు వార్తలను నమ్మవద్దని టీమ్ స్పష్టం చేసింది. త్వరలోనే అధికారిక ప్రకటన వెలువడనుండగా, గ్లింప్స్ ప్రోమో విడుదల చేసే అవకాశం ఉందని సమాచారం.

విజయ్ దేవరకొండ, కీర్తి సురేష్ ప్రధాన పాత్రల్లో నటిస్తున్న రౌడీ జనార్ధన చిత్రానికి రవికిరణ్ కోలా దర్శకత్వం వహిస్తున్నారు. టీజర్ విడుదలకు ఈ స్వల్ప ఆలస్యం మంచి ప్రచారం కోసమేనని, అభిమానుల అంచనాలను అందుకునేలా కంటెంట్ ఉంటుందని చిత్ర బృందం హామీ ఇచ్చింది. అధికారిక అప్‌డేట్ వచ్చే వరకు అభిమానులు సహనం పాటించాలని కోరింది.