పంచెకట్టులో మెరిసిన రౌడీ స్టార్ - బ్యాచిలర్‌గా ఇదే చివరి సంక్రాంతా?

టాలీవుడ్ సెన్సేషనల్ హీరో విజయ్ దేవరకొండ ఈ ఏడాది సంక్రాంతిని తన కుటుంబ సభ్యులతో కలిసి ఎంతో ఆత్మీయంగా జరుపుకున్నారు. తల్లి మాధవితో కలిసి విజయ్ దిగిన ఫోటోలు ప్రస్తుతం సోషల్ మీడియాలో ట్రెండ్‌ అవుతున్నాయి. సంప్రదాయ పంచెకట్టులో కనిపించిన విజయ్, అచ్చమైన తెలుగు కుర్రాడిలా అభిమానులను ఆకట్టుకున్నారు. తమ్ముడు ఆనంద్ దేవరకొండ, తల్లిదండ్రులతో కలిసి పండగను ఘనంగా నిర్వహించిన క్షణాలను అభిమానులతో పంచుకుంటూ అందరికీ సంక్రాంతి శుభాకాంక్షలు తెలిపారు.

ఈ సంక్రాంతికి మరో ప్రత్యేకత కూడా జతైంది. విజయ్ దేవరకొండ – రష్మిక మందన్న త్వరలో వివాహ బంధంలోకి అడుగుపెట్టబోతున్నారనే వార్తలు సోషల్ మీడియాలో హాట్ టాపిక్‌గా మారాయి. ఈ నేపథ్యంలో బ్యాచిలర్‌గా విజయ్‌కు ఇదే చివరి సంక్రాంతి కావొచ్చని నెటిజన్లు వ్యాఖ్యానిస్తున్నారు. ప్రస్తుతం రౌడీ జనార్ధన్ షూటింగ్‌లో బిజీగా ఉన్న విజయ్, పండగ కోసం చిన్న విరామం తీసుకుని కుటుంబంతో గడపడం అభిమానులను మరింత ఆకట్టుకుంది.