రాకింగ్ స్టార్ మంచు మనోజ్ చేతుల మీదుగా హారర్ కామెడీ చిత్రం ‘రుక్మిణి’ టీజర్ విడుదల!

జి సినిమా బ్యానర్‌పై నేలబల్లి సుబ్రహ్మణ్యం రెడ్డి, కట్టా గంగాధర రావు నిర్మిస్తున్న హారర్ కామెడీ చిత్రం రుక్మిణి టీజర్‌ను రాకింగ్ స్టార్ మంచు మనోజ్ ఘనంగా విడుదల చేశారు. శ్రీమతి నేలబల్లి కుమారి సమర్పణలో రూపొందుతున్న ఈ చిత్రానికి సింహాచలం గుడుపూరి దర్శకత్వం వహిస్తున్నారు. నిరంజన్, గ్రీష్మ నేత్రికా, ప్రియ జస్పర్, దీప్తి శ్రీరంగం ప్రధాన పాత్రల్లో నటిస్తున్నారు. ఈ సందర్భంగా మంచు మనోజ్ మాట్లాడుతూ టీజర్ చాలా అద్భుతంగా ఉందని, డైరెక్షన్, డీవోపీ వర్క్, మ్యూజిక్ ఆకట్టుకునేలా ఉన్నాయని ప్రశంసిస్తూ చిత్ర బృందానికి శుభాకాంక్షలు తెలిపారు.

హీరో నిరంజన్ మాట్లాడుతూ ఈ చిత్రాన్ని డిఫరెంట్ హారర్ కామెడీగా ప్రేక్షకులను అలరిస్తుందని తెలిపారు. హీరోయిన్ గ్రీష్మ నేత్రికా సినిమా పట్ల టీమ్ అందరూ ఎంతో ప్యాషన్‌తో పనిచేశామని చెప్పగా, ప్రియ జస్పర్ ప్రేక్షకుల సపోర్ట్ కోరారు. నటులు విఖ్యాత్, జయంత్ సినిమా భయపెడుతూనే నవ్వించే వినోదాన్ని అందిస్తుందని అన్నారు. సంగీత దర్శకుడు సుభాష్ ఆనంద్ సాంగ్స్, బీజీఎం ప్రేక్షకులను ఆకట్టుకుంటాయని తెలిపారు. నిర్మాత కట్టా గంగాధర రావు, దర్శకుడు సింహాచలం గుడుపూరి మాట్లాడుతూ కొత్త ప్రతిభను ప్రోత్సహించిన మంచు మనోజ్‌కు కృతజ్ఞతలు తెలుపుతూ త్వరలో గ్రాండ్ థియేట్రికల్ రిలీజ్‌తో సినిమాను ప్రేక్షకుల ముందుకు తీసుకువస్తామని వెల్లడించారు.