మైఖేల్ జాక్సన్‌పై ఆర్జీవీ భావోద్వేగ ట్వీట్ వైరల్

సోషల్ మీడియాలో ఎప్పుడూ యాక్టివ్‌గా ఉండే దర్శకుడు రామ్ గోపాల్ వర్మ తాజాగా మైఖేల్ జాక్సన్ బయోపిక్ ‘Michael’ చూసిన తర్వాత భావోద్వేగ ట్వీట్ చేశారు. విజయవాడలో తన ఇంజనీరింగ్ కాలేజీ రోజుల్లో ‘Thriller’ సాంగ్ చూసిన అనుభవం తన జీవితాన్ని పూర్తిగా మార్చిందని ఆయన గుర్తుచేశారు. మైఖేల్ జాక్సన్ సంగీతం, డాన్స్ తన సినిమా ఆలోచనలపై గాఢమైన ప్రభావం చూపిందని వర్మ తెలిపారు.

మైఖేల్ జాక్సన్ మరణ వార్త విన్న రోజు తనకు షాక్‌గా అనిపించిందని, ఆ క్షణాన్ని ఇప్పటికీ మర్చిపోలేనని వర్మ పేర్కొన్నారు. ‘Billie Jean’, ‘Beat It’, ‘Bad’ వంటి పాటలు తనకు ఎప్పటికీ రీచ్ కాని బెంచ్‌మార్క్‌లుగా నిలిచాయని చెప్పారు. చివరికి మైఖేల్‌ను ప్రేమిస్తూనే అతని మరణం తన కలను పీడకలగా మార్చిందని ఆర్జీవీ భావోద్వేగంగా రాసుకొచ్చారు.