జైలర్-2 తెలుగు హక్కులపై రికార్డ్ డిమాండ్? మార్కెట్‌ను కుదిపేస్తున్న సూపర్ స్టార్ క్రేజ్!

సూపర్ స్టార్ రజనీకాంత్ నటించిన ‘జైలర్’ సినిమా తెలుగులో సాధించిన భారీ విజయంతో ట్రేడ్ వర్గాల్లో భారీ అంచనాలు నెలకొన్నాయి. ఈ చిత్రం 70 కోట్లకు పైగా గ్రాస్ వసూలు చేయడంతో ఇప్పుడు ‘జైలర్ 2’పై హైప్ మరింత పెరిగింది. తాజా సమాచారం ప్రకారం ఈ సినిమా తెలుగు హక్కులను దాదాపు 60 కోట్లకు కోట్ చేస్తున్నట్లు ప్రచారం జరుగుతోంది.

నెల్సన్ దిలీప్‌కుమార్ దర్శకత్వంలో తెరకెక్కుతున్న ఈ సీక్వెల్‌లో రజనీకాంత్ మరోసారి రిటైర్డ్ పోలీస్ ఆఫీసర్ పాత్రలో కనిపించనున్నారు. విలన్‌గా ఎస్ జే సూర్య ఎంట్రీ ఇవ్వడం సినిమాకు ప్రత్యేక ఆకర్షణగా మారింది. ఇదే సమయంలో రామ్ చరణ్ నటిస్తున్న ‘పెద్ది’ సినిమా విడుదల ఉండటంతో థియేటర్ల లభ్యతపై అనుమానాలు వ్యక్తమవుతున్నాయి. అయినప్పటికీ రజనీకాంత్ అభిమాన వర్గం ఈ చిత్రానికి భారీ ఓపెనింగ్స్ తీసుకురావడం ఖాయం.