సినిమాలు
ప్రతిభ గల రచయితలు, కొత్త తరం ఫిలింమేకర్స్ను ప్రోత్సహించాలనే లక్ష్యంతో రూపొందిన ది స్క్రిప్ట్ క్రాఫ్ట్ వెబ్సైట్ ఆధ్వర్యంలో ఇంటర్నేషనల్ షార్ట్ ఫిలిం ఫెస్టివల్ ప్రారంభమైంది. ఈ ఫిలిం ఫెస్టివల్ను రెబల్ స్టార్ ప్రభాస్ ప్రారంభించారు.
ఈ షార్ట్ ఫిలిం ఫెస్టివల్లో ప్రపంచవ్యాప్తంగా ఏ ఫిలింమేకర్ అయినా పాల్గొనవచ్చు. 2 నిమిషాలకు మించిన నిడివి గల లఘు చిత్రాలను, ఏ జానర్లోనైనా పంపించేందుకు అవకాశం ఉంది. ఈ పోటీ మొత్తం 90 రోజుల పాటు కొనసాగనుంది.
ఫెస్టివల్ ప్రారంభం సందర్భంగా ప్రత్యేక వీడియో ద్వారా ప్రభాస్ తన శుభాకాంక్షలు తెలిపారు. ఆయన మాట్లాడుతూ –
“వెండితెరపై ప్రతి గొంతు వినిపించాలి, ప్రతి ఒక్కరి కల నిజం కావాలి. కొత్త కథలు చెప్పాలనుకునే ప్రతిభావంతులకు ‘ది స్క్రిప్ట్ క్రాఫ్ట్’ ఒక బలమైన వేదికగా మారబోతోంది. ఈ ఫెస్టివల్ ఎంతోమంది న్యూ ఫిలింమేకర్స్ కెరీర్కు పునాది అవుతుంది” అని అన్నారు.
ఈ కార్యక్రమం పై ప్రముఖ దర్శకులు తమ అభిప్రాయాలను పంచుకున్నారు.
దర్శకుడు సందీప్ రెడ్డి వంగా మాట్లాడుతూ :
“ఫిలింమేకింగ్లో షార్ట్ ఫిలింస్ చేయడం మొదటి అడుగు. స్క్రిప్ట్ రాయడం ఒక దశ అయితే, దాన్ని తెర పై పర్ఫెక్ట్గా చూపించడం మరో దశ. సినిమా రంగంలోకి రావాలనుకునే వారికి ఈ ఫెస్టివల్ మంచి అవకాశం” అని చెప్పారు.
దర్శకుడు నాగ్ అశ్విన్ మాట్లాడుతూ :
“ఒక షార్ట్ ఫిలిం చూసే అనుదీప్ ప్రతిభ తెలిసింది. అలా జాతిరత్నాలు వంటి సినిమా వచ్చింది. ఫిలిం స్కూల్ కంటే ప్రాక్టికల్ అనుభవమే ఎక్కువ నేర్పుతుంది. ఈ అవకాశాన్ని యువత ఉపయోగించుకోవాలి” అని అన్నారు.
దర్శకుడు హను రాఘవపూడి మాట్లాడుతూ :
“ఎంతోమంది కొత్తవారు దర్శకత్వం వహించాలని కలలు కంటారు. ఇలాంటి ఫిలిం ఫెస్టివల్స్లో పాల్గొని మీ సృజనాత్మకతను చూపించండి. ఆల్ ది బెస్ట్” అని ఆకాంక్షించారు.
ఈ ఫిలిం ఫెస్టివల్కు పార్టనర్గా ఉన్న క్విక్ టీవీ సంస్థ, ఫెస్టివల్ ద్వారా ఎంపికైన 15 మంది ఫిలింమేకర్స్తో గంటన్నర నిడివి గల సినిమాలను నిర్మించనుంది. ఈ విధంగా 15 మంది కొత్త ఫిలింమేకర్స్కు అరుదైన అవకాశం దక్కనుంది.
ఆసక్తి ఉన్న ఔత్సాహికులు ది స్క్రిప్ట్ క్రాఫ్ట్ వెబ్సైట్ ద్వారా రిజిస్ట్రేషన్ చేసుకోవచ్చు.
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!