ఐబొమ్మ.. బప్పం.. పేర్ల వెనుక అసలు కథ చెప్పిన రవి

హైదరాబాద్‌: ఐబొమ్మ పూర్తిపేరు ‘ఇంటర్నెట్‌ బొమ్మ’ అని ఈ కేసులో అరెస్టయిన ఇమ్మడి రవి వెల్లడించాడు. విశాఖలో సినిమాను బొమ్మగా పిలిచేవాళ్లమని చెప్పాడు. మరో వెబ్‌సైట్‌కు బలపం అని పేరు పెట్టాలని అనుకున్నట్లు తెలిపాడు. కానీ, డొమైన్‌లో సాంకేతిక సమస్యతో ‘ఎల్‌’ అక్షరం తీసి బప్పంగా మార్చామన్నాడు.

నేటితో నిందితుడి రెండో విడత కస్టడీ పూర్తయ్యింది. ఇందులో భాగంగా పోలీసులు అతడిని 3 రోజులపాటు ప్రశ్నించారు. పైరసీ అడ్వాన్స్‌డ్‌ టెక్నాలజీ గురించి పోలీసులకు రవి వివరించాడు. అనంతరం అతడిని కోర్టులో హాజరుపర్చారు.