మేకింగ్ వీడియోతో సోషల్ మీడియాలో ట్రెండ్ అవుతున్న ‘రణబాలి’!

విజయ్ దేవరకొండ, రష్మిక మందన్న జంటగా నటిస్తున్న భారీ పాన్ ఇండియా చిత్రం రణబాలి నుంచి ప్రత్యేక మేకింగ్ గ్లింప్స్‌ను విడుదల చేశారు. రాహుల్ సంకృత్యన్ దర్శకత్వంలో తెరకెక్కుతున్న ఈ చిత్రాన్ని మైత్రీ మూవీ మేకర్స్, టీ-సిరీస్ సమర్పణలో భారీ బడ్జెట్‌తో నిర్మిస్తున్నారు. విజయ్ దేవరకొండ పుట్టినరోజు సందర్భంగా విడుదలైన ఈ గ్లింప్స్ అభిమానులను ఆకట్టుకుంటోంది.

రణబాలి పాత్ర కోసం విజయ్ దేవరకొండ తీసుకున్న కఠినమైన హార్స్ రైడింగ్ ట్రైనింగ్‌ను గ్లింప్స్‌లో చూపించారు. స్టాలియన్ గుర్రాలపై స్వారీ చేయడం ఎంత కష్టమో, గాయాలను ఎదుర్కొంటూ కూడా విజయ్ ఎంతో అంకితభావంతో పనిచేసిన విధానం ప్రేక్షకులను ఆకట్టుకుంటోంది. “స్క్రీన్‌పై అద్భుతంగా కనిపించేందుకు ఇలాంటి కష్టమైన సన్నివేశాలు చేస్తున్నాను” అని విజయ్ చెప్పడం ఆయన సినీ ప్యాషన్‌ను తెలియజేస్తోంది. 1854 నుంచి 1878 మధ్య బ్రిటీష్ పాలనా కాలం నేపథ్యంలో యదార్థ చారిత్రక సంఘటనల ఆధారంగా తెరకెక్కుతున్న ఈ చిత్రం సెప్టెంబర్ 11న ప్రపంచవ్యాప్తంగా విడుదల కానుంది.