షూటింగ్‌లో రామ్ చరణ్‌కు స్వల్ప గాయం?

మెగా పవర్ స్టార్ రామ్ చరణ్ ప్రస్తుతం పాన్ ఇండియా సినిమాలతో బిజీగా ఉన్న విషయం తెలిసిందే. ‘పెద్ది’ సినిమా షూటింగ్ సమయంలో ఆయనకు స్వల్ప గాయం అయ్యిందనే వార్తలు సోషల్ మీడియాలో వినిపిస్తున్నాయి.

యాక్షన్ సన్నివేశం చిత్రీకరణలో ఈ ఘటన జరిగినట్లు సమాచారం. అయితే గాయం పెద్దది కాదని, రెండు రోజులు విశ్రాంతి తీసుకుంటే సరిపోతుందని వైద్యులు సూచించినట్టు టాక్ ఉంది.

ఈ వార్తలతో అభిమానులు ఆందోళన వ్యక్తం చేస్తున్నారు. త్వరగా కోలుకొని మళ్లీ షూటింగ్‌లో పాల్గొనాలని కోరుకుంటున్నారు. అయితే ఈ విషయంపై చిత్ర బృందం నుంచి ఇంకా అధికారిక ప్రకటన వెలువడలేదు.