బైకర్‌ సినిమాతో మళ్ళీ ఫాంలోకి వచ్చేసిన రాజశేఖర్!

టాలీవుడ్ సీనియర్ నటుడు రాజశేఖర్ ఒకప్పుడు వరుస హిట్లతో స్టార్ హీరోగా ఎదిగినా, తర్వాత ఫ్లాప్స్ కారణంగా కొంతకాలం సినిమాలకు దూరమయ్యారు. ఇప్పుడు బైకర్ సినిమాతో ఆయన గ్రాండ్ కమ్‌బ్యాక్ ఇచ్చారు. ఈ చిత్రంలో శర్వానంద్ తండ్రి పాత్రలో నటించి అద్భుతంగా మెప్పించారు. ముఖ్యంగా ఎమోషనల్ సీన్స్‌లో ఆయన హావభావాలు ప్రేక్షకులను కట్టిపడేస్తున్నాయి. సోషల్ మీడియాలో కూడా ఆయన నటనపై ప్రశంసలు వెల్లువెత్తుతున్నాయి.

ఈ సినిమాలో బుల్లెట్ సునీల్ అలియాస్ సునీల్ నారాయణ పాత్రలో రాజశేఖర్ కీలకమైన, లెంగ్తీ రోల్ చేశారు. తన కొడుకు రేసింగ్ రంగంలో ఎదగాలని కోరుకునే తండ్రి పాత్రలో ఆయన పూర్తిగా ఒదిగిపోయారు. అభిలాష్ రెడ్డి దర్శకత్వంలో, యూవీ క్రియేషన్స్ నిర్మించిన ఈ మోటోక్రాస్ రేసింగ్ డ్రామా పాజిటివ్ టాక్ అందుకుంది. శర్వానంద్ మేకోవర్, రేసింగ్ సీన్స్ కూడా ప్రేక్షకులను బాగా ఆకట్టుకున్నాయి. మొత్తంగా రాజశేఖర్ సెకండ్ ఇన్నింగ్స్‌లో సూపర్‌గా రాణిస్తున్నారు.