మళ్లీ రెబల్ స్టార్‌ vs కింగ్ ఖాన్?

భారతీయ సినీ పరిశ్రమలో డిసెంబర్ నెల భారీ సినిమాల విడుదలకు ప్రధాన వేదికగా మారింది. గత కొన్నేళ్లుగా ఈ సీజన్‌లో విడుదలైన చిత్రాలు బాక్సాఫీస్ వద్ద భారీ విజయాలు సాధిస్తున్నాయి. ‘యానిమల్’, ‘సలార్’, ‘డంకీ’, ‘హాయ్ నాన్న’, ‘శ్యామ్ బహుదూర్’ వంటి చిత్రాలు 2023లో ప్రేక్షకులను ఆకట్టుకోగా, ‘సలార్ డంకీ’ పోటీ దేశవ్యాప్తంగా చర్చనీయాంశమైంది. 2025 లో విడుదలైన ‘ధురంధర్’ కూడా భారీ వసూళ్లు సాధించి డిసెంబర్ సీజన్ ప్రాధాన్యాన్ని మరింత పెంచింది.

ఈ ఏడాది కూడా మరో ఆసక్తికరమైన బాక్సాఫీస్ పోటీకి రంగం సిద్ధమవుతోంది. ప్రభాస్ నటిస్తున్న ‘ఫౌజీ’ డిసెంబర్ 3న విడుదల కానుండగా, షారూఖ్ ఖాన్ ‘కింగ్’ డిసెంబర్ 24న ప్రేక్షకుల ముందుకు రానుంది. విడుదల తేదీల మధ్య గ్యాప్ ఉన్నప్పటికీ, రెండు చిత్రాలు కూడా భారీ వసూళ్లు సాధించే అవకాశాలు ఉన్నాయని ట్రేడ్ వర్గాలు భావిస్తున్నాయి. దీంతో ప్రభాస్–షారూఖ్ మధ్య మరోసారి బాక్సాఫీస్ పోరు ఎలా ఉండబోతుందనే ఆసక్తి అభిమానుల్లో నెలకొంది.