ప్రభాస్‌ బర్త్‌డే స్పెషల్‌.. ‘కల్కి 2’ మేకింగ్‌ వీడియో విడుదల

పాన్‌ ఇండియా స్టార్‌ ప్రభాస్‌ పుట్టినరోజు సందర్భంగా దర్శకుడు నాగ్‌ అశ్విన్‌ అభిమానులకు ప్రత్యేక కానుక అందించారు. ప్రభాస్‌ హీరోగా తెరకెక్కుతున్న ‘కల్కి 2898 ఏడీ’ సీక్వెల్‌ ‘కల్కి 2’కు సంబంధించిన మేకింగ్‌ వీడియోను విడుదల చేశారు. ఈ వీడియో ద్వారా ప్రభాస్‌కు పుట్టినరోజు శుభాకాంక్షలు తెలిపిన చిత్ర బృందం, ఆయనతో మరో అద్భుతమైన సినీ ప్రయాణాన్ని ప్రారంభించేందుకు ఆసక్తిగా ఎదురుచూస్తున్నట్లు పేర్కొంది.

నాగ్‌ అశ్విన్‌ దర్శకత్వంలో రూపొందిన ‘కల్కి 2898 ఏడీ’ బాక్సాఫీస్‌ వద్ద మంచి విజయాన్ని సాధించింది. ప్రభాస్‌తో పాటు అమితాబ్‌ బచ్చన్‌, కమల్‌ హాసన్‌, దీపికా పదుకొణె కీలక పాత్రల్లో నటించిన ఈ చిత్రం ప్రేక్షకులను ఆకట్టుకుంది. దీంతో సీక్వెల్‌పై ఇప్పటికే భారీ అంచనాలు నెలకొన్నాయి. తాజాగా విడుదలైన మేకింగ్‌ వీడియోతో ‘కల్కి 2’పై అభిమానుల్లో ఆసక్తి మరింత పెరిగింది.