కర్మస్థలం నుంచి పవర్ ఫుల్ పోస్టర్ !

రాయ్ ఫిల్మ్స్ సమర్పణలో తెరకెక్కుతున్న ‘కర్మస్థలం’ సినిమా తాజాగా విడుదలైన పోస్టర్, మేకింగ్ వీడియోతో మంచి హైప్ తెచ్చుకుంటోంది. అరవింద్ కృష్ణ, చుంకీ పాండే, అర్చనా శాస్త్రి ప్రధాన పాత్రల్లో రాకీ షెర్మాన్ దర్శకత్వంలో ఈ చిత్రం రూపొందుతోంది. ఇటీవల విడుదల చేసిన అరవింద్ కృష్ణ లుక్ పోస్టర్, మేకింగ్ వీడియో ప్రేక్షకులను బాగా ఆకట్టుకున్నాయి. విజువల్స్, బ్యాక్ గ్రౌండ్ మ్యూజిక్ సినిమాపై ఆసక్తిని పెంచుతున్నాయి.

ఈ చిత్రంలో అరవింద్ కృష్ణ యోధుడి తరహా పాత్రలో కనిపించబోతున్నారు. వర్కౌట్స్, రిహార్సల్స్, గుర్రపు స్వారీ వంటి సన్నివేశాలు మేకింగ్ వీడియోలో హైలెట్ అవుతున్నాయి. ప్రిన్స్, దివి, కాలకేయ ప్రభాకర్ తదితరులు కీలక పాత్రల్లో నటిస్తున్నారు. సాయి కార్తిక్ సంగీతం అందిస్తున్న ఈ సినిమా తెలుగు, హిందీ, తమిళ, కన్నడ, మలయాళ భాషల్లో విడుదలకు సిద్ధమవుతోంది. ప్రస్తుతం షూటింగ్ దశలో ఉన్న ఈ చిత్రం త్వరలోనే ప్రేక్షకుల ముందుకు రానుంది.