సినిమాలు
29, ఏప్రిల్ 2026, బుధవారం
రామ్ చరణ్ నటిస్తున్న పెద్ది సినిమా షూటింగ్ స్పాట్ నుంచి ఐటెమ్ సాంగ్ వీడియో లీక్ అవడంతో అది ఇప్పుడు సోషల్ మీడియాలో బాగా వైరల్ అవుతోంది. దర్శకుడు బుచ్చిబాబు సనా తెరకెక్కిస్తున్న ఈ సినిమాలో చరణ్తో పాటు శృతి హాసన్ మాస్ డ్యాన్స్ నంబర్లో అదిరిపోయే స్టెప్పులు వేస్తూ కనిపిస్తున్నారు. చరణ్ తన స్టైల్, ఎనర్జీతో ఆకట్టుకుంటే, శృతి హాసన్ కూడా అతనికి తగ్గట్టుగా డ్యాన్స్ చేస్తూ మెప్పిస్తోంది.
2014లో వచ్చిన ఎవడు సినిమా తర్వాత ఈ జంట మళ్లీ కలిసి నటిస్తోంది. ఉత్తరాంధ్ర నేపథ్యంతో పీరియడ్ డ్రామాగా రూపొందుతున్న ఈ సినిమాలో చరణ్ ఒక మాస్ పాత్రలో కనిపించనున్నారు. క్రికెట్ ప్లేయర్గా మాత్రమే కాకుండా కుస్తీ ఫైటర్గా కూడా కనిపించనున్నారు. ఈ ఐటెమ్ సాంగ్కు ఏ.ఆర్. రెహమాన్ మాస్ బీట్ ఇచ్చినట్టు చెబుతున్నారు. ప్రస్తుతం ఈ లీక్ వీడియో సోషల్ మీడియాలో ట్రెండ్ అవుతోంది.
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!