ఓటీటీ డీల్స్‌.. సినీ నిర్మాతలకు వరమా? సవాలా?

ప్రస్తుతం సినిమా వ్యాపారంలో ఓటీటీ హక్కులు కీలక పాత్ర పోషిస్తున్నాయి. ఒక సినిమా డిజిటల్ హక్కులు మంచి ధరకు అమ్ముడైతే, నిర్మాతలు ఆర్థికంగా చాలా వరకు సురక్షిత స్థితికి చేరుకుంటారు. కొన్ని చిత్రాలు షూటింగ్ దశలోనే ఓటీటీ ఒప్పందాలు పూర్తి చేసుకోవడంతో నిర్మాణ వ్యయంపై ఒత్తిడి కూడా తగ్గుతుంది. అందుకే ఓటీటీ డీల్స్ ఇప్పుడు సినిమా వ్యాపారంలో ముఖ్యమైన భాగంగా మారాయి.

అయితే ఓటీటీ ఒప్పందాల వల్ల కొన్ని సవాళ్లు కూడా ఎదురవుతున్నాయి. ఓటీటీ సంస్థలు నిర్ణయించిన నిబంధనలకు అనుగుణంగా సినిమాలను విడుదల చేయాల్సి వస్తోంది. ఇటీవల చిన్న, మధ్యస్థాయి చిత్రాలతో పాటు స్టార్ హీరోల సినిమాలకు కూడా ఓటీటీ డీల్స్ విషయంలో ఇబ్బందులు ఎదురవుతున్నట్లు సమాచారం. దీంతో కొన్ని సినిమాలు పూర్తయినా విడుదల తేదీలను ప్రకటించలేని పరిస్థితులు ఏర్పడుతున్నాయి.