వెంకీ-కళ్యాణ్ రామ్ మల్టీస్టారర్‌కు స్పీడ్ పెరిగింది.. విశాఖలో ఫుల్ బిజీగా టీమ్!

టాలీవుడ్‌లో ఆసక్తికర కాంబినేషన్లలో ఒకటిగా మారిన వెంకటేష్ – కళ్యాణ్ రామ్ మల్టీస్టారర్ సినిమాపై మరో కీలక అప్డేట్ బయటకు వచ్చింది. ఈ చిత్రానికి అనీల్ రావిపూడి దర్శకత్వం వహిస్తుండగా, ఫ్యామిలీ ఎమోషన్స్, కామెడీ, మాస్ అంశాలతో కూడిన వినోదాత్మక కథను సిద్ధం చేస్తున్నట్లు సమాచారం. ప్రస్తుతం చిత్రబృందం విశాఖపట్నంలో స్క్రిప్ట్‌కు తుది మెరుగులు దిద్దుతున్నట్లు సినీ వర్గాలు చెబుతున్నాయి.

ఇద్దరు స్టార్ హీరోలు ఒకే సినిమాలో కనిపించబోతుండటంతో అభిమానుల్లో భారీ అంచనాలు నెలకొన్నాయి. వెంకటేష్ ప్రస్తుతం ‘ఆదర్శ కుటుంబం’ చిత్రంతో బిజీగా ఉండగా, ఆ సినిమా పూర్తయ్యాక ఈ ప్రాజెక్ట్ షూటింగ్‌లో పాల్గొననున్నట్లు తెలుస్తోంది. సురేష్ ప్రొడక్షన్స్, జీ స్టూడియోస్ సంయుక్తంగా నిర్మిస్తున్న ఈ చిత్రంలో అనీల్ రావిపూడి స్టైల్ కామెడీ ప్రధాన ఆకర్షణగా నిలవనుందని టాక్ వినిపిస్తోంది.