‘వంద దేవుళ్ళు’ రిలీజ్ డేట్ ఫిక్స్..

‘బిచ్చగాడు’ చిత్రంతో ఘన విజయాన్ని అందుకున్న విజయ్ ఆంటోని – దర్శకుడు శశి కాంబినేషన్ మరోసారి ‘వంద దేవుళ్ళు’ చిత్రంతో ప్రేక్షకుల ముందుకు రాబోతోంది. విజయ్ ఆంటోని హీరోగా నటిస్తున్న ఈ చిత్రంలో స్వాసిక అజయ్, కావ్య, శక్తి తదితరులు కీలక పాత్రలు పోషిస్తున్నారు. రామాజనేయులు జవ్వాని నిర్మిస్తున్న ఈ సినిమాపై ఇప్పటికే మంచి అంచనాలు నెలకొన్నాయి.

ఇప్పటికే విడుదలైన టీజర్, ఫస్ట్ సింగిల్, ఇతర పాటలు ప్రేక్షకుల నుంచి మంచి స్పందన అందుకోవడంతో సినిమాపై ఆసక్తి మరింత పెరిగింది. తాజాగా ఈ చిత్రాన్ని తెలుగు, తమిళ భాషల్లో జూన్ 19న విడుదల చేయనున్నట్లు మేకర్స్ అధికారికంగా ప్రకటించారు. ఈ సందర్భంగా విడుదల చేసిన కొత్త పోస్టర్‌లో విజయ్ ఆంటోని, స్వాసిక అజయ్ సైకిల్‌పై ప్రయాణిస్తున్న దృశ్యం అభిమానులను ఆకట్టుకుంటోంది.