ఎన్‌బీకే111: తమన్ బీట్‌లతో బాలయ్యకు బ్లాస్ట్ రెడీ!

నందమూరి బాలకృష్ణ హీరోగా గోపీచంద్ మలినేని దర్శకత్వంలో తెరకెక్కుతున్న ఎన్‌బీకే111 కోసం సంగీత దర్శకుడు ఎస్ తమన్ ఫుల్ జోష్‌లో పని చేస్తున్నారు. బాలయ్య సినిమాలకు మాస్ బీట్‌లతో ప్రత్యేక గుర్తింపు తెచ్చుకున్న తమన్ ఈ సినిమాకు కూడా పవర్ఫుల్ ట్యూన్స్ సిద్ధం చేస్తున్నారు.

ఇప్పటికే రెండు మాస్ సాంగ్స్ కంపోజ్ చేసినట్లు సమాచారం. అందులో ఒక పాటకు అనంత శ్రీరామ్ పవర్ఫుల్ లిరిక్స్ అందించారు. ఈ పాటను హైదరాబాద్ రామోజీ ఫిల్మ్ సిటీలో భారీ స్థాయిలో చిత్రీకరించనున్నారు. అదే లొకేషన్‌లో ఓ యాక్షన్ సీక్వెన్స్ కూడా ప్లాన్ చేసినట్లు తెలుస్తోంది.

తమన్ మ్యూజిక్, బాలయ్య ఎనర్జీ కలిస్తే ఎన్‌బీకే111 థియేటర్లలో మరోసారి మాస్ పండగ ఖాయం అని అభిమానులు భావిస్తున్నారు.