చిరంజీవి చిత్రంలో నారా రోహిత్?

మెగాస్టార్ చిరంజీవి కథానాయకుడిగా దర్శకుడు బాబీ కొల్లి రూపొందిస్తున్న 158వ సినిమా గురించి సినీ వర్గాల్లో ఆసక్తికర ప్రచారం సాగుతోంది. కుటుంబ భావోద్వేగాలు, వినోదం, యాక్షన్ అంశాలను మిళితం చేస్తూ ఈ చిత్రం రూపొందుతున్నట్లు సమాచారం. ప్రారంభ దశలోనే ఈ ప్రాజెక్ట్‌పై భారీ అంచనాలు నెలకొన్నాయి.

తాజా టాక్ ప్రకారం క్లైమాక్స్‌లో కీలక పాత్ర కోసం నటుడు నారా రోహిత్‌ను సంప్రదించినట్లు తెలుస్తోంది. అయితే దీనిపై అధికారిక ప్రకటన రాలేదు. సెకండ్ హాఫ్‌లో వచ్చే ఫ్లాష్‌బ్యాక్ ఎపిసోడ్‌లో చిరంజీవి కొత్త లుక్‌లో కనిపించనున్నారని సమాచారం. కెవిఎన్ ప్రొడక్షన్స్ నిర్మిస్తున్న ఈ సినిమా క్లైమాక్స్ ట్విస్ట్ కారణంగా మరింత ఆసక్తి రేకెత్తిస్తోంది.