నాని, కీర్తి సురేశ్‌ క్రాస్‌ఓవర్‌ వీడియోకు అదిరే రెస్పాన్స్‌

శ్రీకాంత్‌ ఓదెల దర్శకత్వంలో నాని హీరోగా తెరకెక్కుతున్న యాక్షన్‌ మూవీ ‘ది ప్యారడైజ్‌’. ‘దసరా’ తర్వాత నాని, శ్రీకాంత్‌ ఓదెల కాంబినేషన్‌లో వస్తున్న సినిమా కావడంతో దీనిపై భారీ అంచనాలు ఉన్నాయి. ఈ మూవీ నుంచి విడుదలైన ప్రతి అప్‌డేట్‌ అభిమానుల్లో ఆసక్తిని పెంచుతోంది. తాజాగా విడుదలైన మాస్‌ సాంగ్‌ ‘ఏషనాగుల’కు ప్రేక్షకుల నుంచి మంచి స్పందన వస్తుండగా, విడుదలైన కొద్ది రోజుల్లోనే యూట్యూబ్‌లో 50 మిలియన్‌ వ్యూస్‌ దాటింది. ఈ ఘనత సాధించిన తొలి తెలుగు పాటగా రికార్డు సృష్టించిందని చిత్రబృందం వెల్లడించింది.

ఈ నేపథ్యంలో నాని, కీర్తి సురేశ్‌ కలిసి ‘ఏషనాగుల’ పాటను ‘దసరా’లోని ‘చమ్కీల’ పాటతో మిక్స్‌ చేసి ప్రత్యేకమైన క్రాస్‌ఓవర్ వీడియో రూపొందించారు. ఈ వీడియోను సోషల్‌ మీడియాలో షేర్‌ చేయడంతో ప్రస్తుతం వైరల్‌గా మారింది. దీంతో ‘ది ప్యారడైజ్‌’పై అభిమానుల్లో ఆసక్తి మరింత పెరిగింది. ఈ సినిమా ఈ నెల 24న ప్రపంచవ్యాప్తంగా థియేటర్లలో విడుదల కానుంది.