ప్రభాస్‌తో నటించడమే నా కల - నాగ దుర్గ

తెలంగాణకు చెందిన ప్రముఖ ఫోక్ డాన్సర్ నాగ దుర్గ ఫోక్ సాంగ్స్‌తో మంచి గుర్తింపు తెచ్చుకుని ఇప్పుడు వెండితెరపై తన అదృష్టాన్ని పరీక్షించుకుంటోంది. ఆమె నటించిన తమిళ చిత్రం 'లవ్ ఓ లవ్' విడుదలకు సిద్ధమవుతుండగా, ప్రస్తుతం చిత్ర ప్రమోషన్లలో బిజీగా ఉంది. ఈ సందర్భంగా తన అభిమాన హీరో గురించి ఆసక్తికర వ్యాఖ్యలు చేసింది.

ప్రభాస్ అంటే తనకు ఎంతో ఇష్టమని, ఆయనతో కలిసి నటించే అవకాశం వస్తే వెంటనే ఒప్పుకుంటానని నాగ దుర్గ తెలిపింది. ప్రస్తుతం ఆమె ప్రియదర్శి హీరోగా తెరకెక్కుతున్న 'ఇడుపు కాయితం' చిత్రంలో హీరోయిన్‌గా నటిస్తోంది. జీఏ2 పిక్చర్స్, సుకుమార్ రైటింగ్స్ నిర్మిస్తున్న ఈ సినిమాపై మంచి అంచనాలు నెలకొన్నాయి.