‘సూపర్ సుబ్బు’తో ఓటీటీలోకి మురళీ శర్మ ఎంట్రీ

మూడు దశాబ్దాలుగా పలు భాషల్లో విభిన్న పాత్రలతో ప్రేక్షకులను అలరిస్తున్న ప్రముఖ నటుడు మురళీ శర్మ ఇప్పుడు ఓటీటీ రంగంలోకి అడుగుపెడుతున్నారు. నెట్‌ఫ్లిక్స్ తొలి తెలుగు ఒరిజినల్ సిరీస్ సూపర్ సుబ్బు ద్వారా ఆయన డిజిటల్ ఎంట్రీ ఇస్తున్నారు. ఈ సిరీస్ రేపటి నుంచి స్ట్రీమింగ్ కానుంది. ఇందులో ఆయన కుక్కుటేశ్వరరావు అనే క్రమశిక్షణ గల తండ్రి పాత్రలో కనిపించనున్నారు.

తన కుమారుడు సెక్స్ ఎడ్యుకేషన్ టీచర్‌గా మారాలని నిర్ణయించుకోవడంతో కుటుంబంలో భావోద్వేగాలు, అభిప్రాయ భేదాలు ఎలా మారతాయనే కథ చుట్టూ ఈ సిరీస్ సాగుతుంది. మాకిపూర్ గ్రామ నేపథ్యంతో రూపొందిన ఈ సిరీస్‌లో హాస్యం, కుటుంబ బంధాలు, సామాజిక అంశాలు కలగలిసాయి. హాస్యం ద్వారా ఆలోచింపజేసే కథ ఇదని మురళీ శర్మ తెలిపారు.